01.11.2026 | 16:29
Աղավնատուն բնակավայրում գործարկվելու է էլեկտրաշչակ
Թուրքական ընկերությունը Քարվաճառում ավտոճանապարհ է կառուցելու
Քաղաքականություն
22.02.2021 | 19:19
2021 թվականի մարտ ամսին կսկսի Քարվաճառում ավտոմեքենային նոր ճանապարհի կառուցումը, հայտնել է Ավտոմոբիլային ճանապարհների պետական գործակալության նախագահ Սալեխ Մամեդովը, գրում է «Ինտերֆաքս»-ի ադրբեջանական ծառայությունը։
«Ճանապարհի նախագծումն իրականացվելու է թուրքական «Proyapi» ընկերության հետ համատեղ: Ճանապարհը կանցնի Գյանջա-Գոյգոլ-Օմար լեռնանցքով: Նախատեսվում է այստեղ լեռնային թունել կառուցել », – մամուլի ասուլիսի ժամանակ ասել է Մամեդովը:
Նրա խոսքով՝ ի սկզբանե նախատեսվել է 12 կմ երկարության թունելի կառուցում։
«Սակայն նման թունելի կառուցումն ու սպասարկումը չափազանց թանկ կլինի։ Արդյունքում որոշում է կայացվել ոլորաննրերի հաշվին կրճատել թունելի երկարությունը մինչև 6,5 կմ-ի»,- ասել է Մամեդովը։
Անդրադառնալով Ֆիզուլի-Շուշի ավտոճանապարհին՝ վերջինս հայտնել է, որ 6 մետր լայնությամբ ու 101 կմ երկարությամբ ճանապարն ամբողջությամբ հողածածկ է։ Նշվում է, որ այս ճանապարհը կհանձնվի շահագործման 2021 թվականի օգոստոսին։
Տաթև Ֆռանգյան
