17.09.2026 | 15:02
Շոյգուն հայտարարել է, թե ՀՀ-ում ՌԴ ներդրումներով ընկերությունների նկատմամբ, իբր, «ռեյդերային զավթում» է իրականացվում
Մյանմարում համընդհանուր գործադուլ է հայտարարվել
Քաղաքականություն
22.02.2021 | 21:07
Մյանմարի խոշոր քաղաքների փողոցներում տասնյակ հազարավոր ցուցարարներ դուրս են եկել փողոց՝ ընդդեմ ռազմական հեղաշրջման, որը տեղի է ունեցել փետրվարի 1-ին։ Փողոցային բողոքի ցույցերը երկրում սկսված համընդհանուր գործադուլի մաս են կազմում, գրում է BBC-ի ռուսական ծառայությունը։
Ռազմական ղեկավարությունը նախազգուշացնում է, որ ցուցարարները վտանգավոր ճանապարհ են բռնել, իսկ նրանց գործողությունները կարող են հանգեցնել զոհերի։ Անցած կիրակի ոստիկանության հետ բախումների ընթացքում առնվազն 2 մարդ է զոհվել։
«Բողոքի ցույցերի համակարգողները մարդկանց դրդում են առճակատման, որոնց ժամանակ էլ նրանք զոհվել են»,- ասվում է MRTV պետական հեռուստաալիքի լուրերում։ Խունտային ենթարկվող ԶԼՄ-ները կոչ են անում քաղաքացիներին՝ զերծ մնալ ցույցերից ու անկարգությունը։
Ցուցարարները պահանջում են զինվորականների հեռացումն ու Մյանմարի փաստացի ղեկավար Աուն Սան Սու Չժիի ազատ արձակումը։
Տաթև Ֆռանգյան
