12.11.2026 | 21:27
Պուտինն Ուկրաինայում օտարերկրյա զորքերի հնարավոր ներկայությունը Ռուսաստանի համար սպառնալիք է որակել
«Մանբիչից դուրս գալու մասին չենք էլ մտածում». ԱՄՆ գեներալը՝ Չավուշօղլուին
Քաղաքականություն
30.01.2018 | 11:34
ԱՄՆ զինուժի կենտրոնական հրամանատարության ղեկավար, գեներալ Ջոզեֆ Վոթելը պատասխանել է Թուրքիայի արտաքին գործերի նախարար Մևլութ Չավուշօղլուին: Վերջինս պահանջել էր, որ ամերիկացի զինվորները անհապաղ դուրս գան Սիրիայի Մանբիչ շրջանից, որը գտնվում է Սիրիայի քրդերի վերահսկողության տակ. փոխանցում է EH-ն:
«Մանբիչից դուս գալու մասին չենք էլ մտածում»,-ըստ թուրքական «Hurriyet» թերթի՝ ասել է Վոթելն ամերիկյան «CNN» լրատվամիջոցի հետ զրույցում:
Ամերիկացի զինվորները Մանբիչում են տեղակայվել տարիներ առաջ։ Նրանք տեղի քրդական ուժերին օգնում էին «Իսլամական պետություն» (ԻՊ) ահաբեկչական կազմակերպության դեմ պայքարում։
Հիշեցնենք, որ երբ Թուրքիայի զինուժն Աֆրինում սկսեց «Ձիթենու ճյուղ» ռազմական գործողությունը, Թուրքիայի նախագահ Ռեջեփ Թայիփ Էրդողանը ակնարկեց, որ եթե հարկ լինի թուրքական բանակը կշարժվի նաև դեպի Մանբիչ։
