17.09.2026 | 11:16
Կիևում ռուսական հարձակման հետևանքով տուժել է 16 մարդ, Օդեսայում ՝ բնակելի շենք վնասվել
Վաղարշակ Հարությունյանը հնարավոր է համարել Հայաստանում ՌԴ հետ համատեղ զենքի արտադրության հիմնումը
Քաղաքականություն
22.02.2021 | 13:01
Վաղարշակ Հարությունյանը հնարավոր է համարել Հայաստանում ՌԴ հետ համատեղ զենքի արտադրության հիմնումը։ Այս մասին ՌԻԱ Նովոստիին տված հարցազրույցում հայտարարել է ՀՀ պաշտպանության նախարար Վաղարշակ Հարությունյանը։
«Ինչո՞ւ ոչ։ Սկսեմ նրանից, որ Հայաստանում արդեն գործում է հայ-ռուսական համատեղ ձեռնարկություն և այս ուղղությամբ հետագա աշխատանքներ տարվում են։ Բացի այդ, կշարունակվեն հանրապետության տարածքում զենքի և ռազմական տեխնիկայի վերականգնման և արդիականացման տարածաշրջանային կենտրոնների ցանցի ստեղծման և ընդլայնման աշխատանքները, ինչը կարևոր է՝ հաշվի առնելով հարցի ֆինանսատնտեսական կողմը»,- հայտարարել է նախարարը։
Հարությունյանը նաև հայտարարել է, որ Երևանը հուսով է, որ շնորհիվ ՌԴ հետ համատեղ ջանքերի՝ կապահովվի Ղարաբաղում հարատև խաղաղություն։
Նրա խոսքով՝ հայկական կողմը ելնում է այն բանից, որ «Արցախի բնակչության անվտանգությունը նախ և առաջ պետք է ապահովի Պաշտպանության բանակը»։
«Իհարկե, շատ բան կա անելու դրա մարտունակության ու արդիականացման վերականգնման առումով, սակայն ինչ էլ որ լինի, դա պետք է արվի։ Երկրորդը՝ Հայաստանը նախկինի նման մնում է Արցախի ժողովրդի անվտանգության երաշխավորը, և այս պատմական առաքելությունը մենք մեր վրայից չենք հանի»,-հայտարարել է նախարարը։
Տաթև Ֆռանգյան
