18.12.2025 | 23:24
ՀՀ տարածքում ավտոճանապարհները հիմնականում անցանելի են
Ցուցարարին ծեծող ոստիկանին զգեստավոր գազան անվանողին կնստացնեն, եթե օրենքը ընդունվի. Մելիքյան. ՏԵՍԱՆՅՈՒԹ
Հասարակություն
19.02.2021 | 14:48
Զրպարտությունն ու վիրավորանքը քրեականացնելու մասին Դատախազության ներկայացրած օրինագծի լույսի ներքո կարելի է ենթադրել, որ ցուցարարին ծեծող ոստիկանին զգեստավոր գազան անվանողին կնստացնեն: Մինչդեռ ՄԻԵԴ-ի որոշմամբ, եթե գնահատող դատողությունը փաստերի հիման վրա է արվել, դա չի դիտվում որպես վիրավորանք կամ զրպարտություն: Այս մասին «Պաշտոնյաներին վիրավորելն ու զրպարտելը կքրեականացվի՞․ինչու են նախաձեռնվում հակաժողովրդավարական քայլեր» թեմայով առցանց քննարկման ժամանակ նշեց Խոսքի ազատության պաշտպանության կոմիտեի նախագահ Աշոտ Մելիքյանը:
Նա նաև հավելեց, որ ներկայացված օրինագծով հավելյալ պաշտպանություն է ապահովվում պաշտոնյաների համար, մինչդեռ պետք է շատ ավելի լայն լինեն նրանց քննադատության սահմանները: «Լրագրողները կարող են այս առումով դիմել չափազանցությունների և նույնիսկ սադրանքների, և դրան պետք է պատրաստ լինի պետական պաշտոնյան»,- նշեց Մելիքյանը:
Հիշեցնենք՝ Գլխավոր դատախազությունն առաջարկում է քրեականացնել զպարտությունն ու վիրավորանքը, եթե դրանք ուղղված են իշխանության ներկայացուցչին, պետական կամ համայնքային քաղաքական պաշտոնյանին ու կապված են նրանց ծառայողական պարտականությունների հետ։
Հայաստանում զրպարտությունն ու վիրավորանքը ապաքրեականացվել են 2010-ին։ Այն ժամանակ կառավարությունը հաշվի էր առել ԵԽԽՎ-ի կոչն անդամ պետություններին։
Մանրամասները՝ տեսանյութում:
