08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Պաշտոնյային վիրավորել-զրպարտելը նշանակում է վիրավորել-զրպարտել պետությանը․դատախազության հիմնավորումը. ՏԵՍԱՆՅՈՒԹ
Հասարակություն
19.02.2021 | 13:51
Պաշտոնյային վիրավորելն ու զրպարտելը նշանակում է վիրավորել ու զրպարտել պետությանը: Այս մասին «Պաշտոնյաներին վիրավորելն ու զրպարտելը կքրեականացվի՞․ ինչու են նախաձեռնվում հակաժողովրդավարական քայլեր» թեմայով առցանց քննարկման ժամանակ նշեց ՀՀ գլխավոր դատախազության կազմակերպական-վերահսկողական և իրավական ապահովման վարչության ավագ դատախազ Կարեն Ամիրյանը:
Նրա խոսքով՝ Գլխավոր դատախազությունն առաջարկում է քրեականացնել զպարտությունն ու վիրավորանքը, եթե դրանք ուղղված են իշխանության ներկայացուցչին, պետական կամ համայնքային քաղաքական պաշտոնյանին ու կապված են նրանց ծառայողական պարտականությունների հետ։
«Եթե անձին զրպրտում կամ վիրավորանք են հասցնում, որը փոխկապակցված չէ իր ծառայողական պարտականությունները կատարելու հետ, այստեղ քրեաիրավական ասպեկտ չկա»,- նշեց Ամիրյանը:
Նա նաև ընդգծեց, որ պետական պաշտոն զբաղացնող անձը ներկայացնում է մեր երկիրը, մեր պետությունը և մեր հասարակությանը, ուստի պետական պաշտոնյային, հանրային ծառայության մեջ գտնվող անձին հասցված վիրավորանքը և նրան զրպարտելը վիրավորանք և զրպարտություն է ՝ուղղված պետությանը և հասարակությանը:
Հիշեցնենք՝ Հայաստանում զրպարտությունն ու վիրավորանքը ապաքրեականացվել են 2010-ին։ Այն ժամանակ կառավարությունը հաշվի էր առել ԵԽԽՎ-ի կոչն անդամ պետություններին։
Մանրամասները՝ տեսանյութում:
