01.11.2026 | 21:01
Սարգիս Ստեփանյանը՝ հինգերորդ անգամ աշխարհի չեմպիոն
Վրաց-ռուսական սահմանը նախատեսվում է բացել փետրվարի 20-ին․ Վերին Լարսում 2000 բեռնատար կա կուտակված
Քաղաքականություն
19.02.2021 | 13:56
Վրաց-ռուսական սահման տանող ճանապարհը նախատեսվում է բացել փետրվարի 20-ին, եթե օդերևութաբանական պայմանները չվատթարանան։ Այս մասին ասված է Վրաստանի տարածքային զարգացման ու ենթակառուցվածքների նախարարության տարածած հայտարարության մեջ, գրում է Sputnik-Georgia-ն։
Ավտոմեքենաների տեղաշարժի արգելք է գործում Մցխետա-Ստեփանծմինդա-Լարս ճանապարհի Գուդաուրի-Կոբի ու Ստեփանծմինդա-Լարս ճանապարհահատվածներում, քանի որ ուժեղ ձյան տեղումների ու ցածր ջերմաստիճանի պատճառով մեծ է սողանքների առաջացման վտանգը։
Հիշեցնենք՝ դեպի վրաց-ռուսական սահման տանող ավտոճանապարհը արդեն 5-րդ օրն է փակ է բոլոր տեսակի ավտոտրանսպորտային միջոցների համար։ Ռուսական կողմում դեպի «Վերին Լարս» տանող անցակետում կուտակված է ավելի քան 2000 բեռնատար ավտոմեքենա։
Տաթև Ֆռանգյան
