17.09.2026 | 18:36
Լիոնել Մեսին ևս մեկ ռեկորդ է սահմանել
Ավստրալիայի վարչապետը խոստացել է ստիպել Facebook-ին վճարել լրատվամիջոցներին
Քաղաքականություն
19.02.2021 | 12:45
Ավստրալիայի վարչապետ Սքոթ Մորիսոնը խոստացել է շարունակել օրենքների մշակումը՝ ստիպելով Facebook Inc-ին վճարել լրատվամիջոցներին սոցկայքում տեղադրված բովանդակության համար։ Մորիսոնը հայտարարել է, որ այս հարցում նա ստացել է համաշխարհային առաջնորդների աջակցությունն այն բանից հետո, ինչ սոցիալական մեդիա հսկան արգելափակել է բոլոր տեղի լրատվամիջոցների էջերը, գրում է Reuters-ը։
Փետրվարի 18-ին Facebook սոցիալական կայքի ադմինիստրացիան անջատել է Ավստրալիայի բոլոր օգտատերերի համար տեղական և միջազգային նորություններ տեղադրելու, դիտելու և տարածելու հնարավորությունը: Այս սահմանափակումները տարածվել են նաև որոշ ոչ մեդիա հաստատությունների և կազմակերպությունների վրա:
Արգելափակվել են որոշ տարածքային նախարարությունների ու գերատեսչությունների, պետական ծառայությունների ու սոցիալական, իրավապաշտպան ու բարեգործական կազմակերպությունների էջերը։ Ավելի ուշ սոցցանցը խոստովանել է, որ այդ գործողությունները թելադրված են եղել լուրեր ասվածի չափազանց լայն հասկացողությամբ, ու վերականգնել է պատահաբար փակված էջերը։
Այս պահին Ավստրալիայի խորհրդարանն ուսումնասիրում է մեդիադաշտի խաղաղցողների վարքագծի մասին օրենսդրությունը, որը կարգավորում է թվային հարթակների ու ԶԼՄ-ների միջև հարաբերությունները։
Ավստրալիայում ու Նոր Զելանդիայում Facebook-ի գործադիր տնօրենը հայտարարել է, որ օրենքը կստիպի նրանց վճարել այն «բովանդակության համար, որը նրանք չեն խնդրել տեղադրել»։
Տաթև Ֆռանգյան
