16.12.2025 | 23:16
BBC-ից Թրամփի փոխհատուցման պահանջը կարող է կազմել շուրջ 10 մլրդ դոլար
ԱՄՆ պատժամիջոցներ է կիրառել ընդդեմ բելառուս պաշտոնյաների
Քաղաքականություն
19.02.2021 | 11:48
ԱՄՆ պատժամիջոցներ է կիրառել Բելառուսի 43 քաղաքացու հանդեպ՝ ցուցարարների ու լրագրողների հանդեպ բռնաճնշումներ կիրառելու համար, գրում է Aljazeera-ն։
ԱՄՆ պատժամիջոցների մասին ասվում է պետքարտուղար էնթոնի Բլինքենի տարածած հայտարարության մեջ։ Հայտարարությունը տարածվել է այն բանից հետո, երբ նոյեմբեր ամսին Մինսկում տեղի ունեցած բողոքի ցույցերը ուղիղ հեռարձակմամբ ցուցադրած երկու լրագրողներ դատապարտվել են ազատազրկման։
Լեհաստանի կողմից ֆինանսավորվող «Բելսատ» հեռուստաընկերության լրագրողներ 27-ամյա Բախվալավան և 23-ամյա Դարիա Չուլցովան դատապարտվել են երկու տարվա ազատազրկման ՝ բողոքի ակցիան լուսաբանելու համար։
Բլինքենի հայտարարության մեջ ասվում է, որ ԱՄՆ շարունակում է մտահոգված մնալ խաղաղ ցուցարարների, դեմոկրատամետ ակտիվիստների ու լրագրողների հանդեպ Լուկաշենկոյի վարչակազմի կողմից շարունակվող բռնաճնշումների կապակցությամբ։
Միացյալ Նահանգներ մուտքը սահմանափակող պատժամիջոցները տարածվում են «արդարադատության ոլորտի բարձրաստիճան պաշտոնյաների, իրավապահ մարմինների ղեկավարների և շարքային աշխատողների վրա, ովքեր ձերբակալել և բռնության են ենթարկել խաղաղ ցուցարարներին», – ասված է Բլինքենի հայտարարության մեջ:
Տաթև Ֆռանգյան
