18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Չինաստանը հայտնել է 4 զինծառայողի մահվան մասին՝ Հնդկաստանի հետ 2020 թվականին գրանցված բախումների ժամանակ
Քաղաքականություն
19.02.2021 | 16:01
Չինաստանի ազգային-ազատագրական բանակի 4 զինծառայող զոհվել է հունիս ամսին Լադակխի լեռնային շրջանում` չին-հնդկական սահմանին գրանցված բախումների ընթացքում։ Այս մասին ասվում է Weibo սոցիալական ցանցում այսօր հրապարակված Չինաստանի կոմունիստական կուսակցության կենտրոնական կոմիտեի քաղաքական և իրավական հանձնաժողովի հաշվետվությունում, փոխանցում է ՏԱՍՍ-ը:
Համաձայն այդ տվյալների՝ 2020 թվականի հունիսին երկու երկրների սահմանին զինվորականների միջև բանակցության ժամանակ հնդիկ զինվորները փորձել են հատել փաստացի վերահսկողության գոտին։ Ինչպես նշվում է հաղորդագրության մեջ, չին զինվորականների ջոկատը, ՉԺՀ պատվիրակության ղեկավարի Ցի Ֆաբաոն ու մի քանի սպաներ, չնայած հակառակորդի թվային գերակշռությանը, փորձել են կանգնեցնել նրանց։
Ինչպես նշվում է հաղորդագրության մեջ, հնդիկ զինվորականները զինված են եղել պողպատե ձողերով, փայտերով և քարերով: Ցի Ֆաբաոն դուրս է եկել առաջ ու հնդիկ զինվորներից պահանջել է անհապաղ լքել այդ տարածքն ու կրկին վերադարձել է փաստացի վերահսկման գոտի։ Սակայն հակառակորդը գրոհել է, ու սկսվել է ձեռնամարտ։
Իր զինվորների առջևը գտնվող Ցի Ֆաբաոն անմիջապես հայտնվել է մարտի մեջտեղում և ծանր վիրավորվել: Գումարտակի հրամանատար Չեն Հունցզյունը և զինծառայող Չեն Սյանժուն շտապել են նրան օգնության և փորձել են հրամանատարին քարշ տալ իրենց ուժերի խորքը, սակայն իրենք էլ են ծանր վիրավորվել և մահացել: Զինծառայող Սյաո Սիյուանը, ով նկարահանում էր բախումը ապացույցներ հավաքելու համար, նետվել է իր զինակիցներին օգնելու, սակայն վիրավորվել ու զոհվել է։ Մեկ այլ զինվոր էլ ՝ Վան Չժոժան, լեռնային գետն անցնելիս օգնել է իր զինակիցներին, սակայն ընկել է սառցե հոսքի մեջ և մահացել:
Տաթև Ֆռանգյան
