09.08.2026 | 11:33
Ահազանգ է ստացվել, որ Սևանա լճի լողափերից մեկում քաղաքացիները հեծանիվ-նավակով հեռացել են ափից և չեն կարողանում վերադառնալ․ ՆԳՆ
Թուրք հաղորդավարուհին հայտնել է, թե թուրքական ուժերը Աֆրինում ռմբակոծում է բնակչությանը
Քաղաքականություն
29.01.2018 | 18:34
Թուրքական «TRT» պետական հեռուստաալիքի լուրերի հաղորդավարուհի Թուղբա Դալքըլըչը ուղիղ եթերում հայտարարել է, թե Թուրքիայի զինված ուժերը ռմբակոծում են Աֆրինի խաղաղ բնակչությանը. տեղեկացնում է EH_н:
Դալքըլըչը, հայտնելով թուրքական ստորաբաժանումների և դրանց հետ միասին Աֆրին ներխուժած սիրիական ընդդիմադիր զինված խմբավորումների կողմից մի բարձունքի գրավման լուրը, ասել է. «Հատկապես այստեղից էին Թուրքիայի զինված ուժերը ռմբակոծում խաղաղ բնակչությանը»:
Տեսանյութը կարճ ժամանակում տարածվել է սոցցանցերում՝ մեծ աղմուկ բարձրացնելով դրանց թուրքական տիրույթում:
Դրանից հետո հայտարարություն է արել տվյալ հաղորդավարուհին՝ նշելով, որ սխալմունք է տեղի ունեցել, շփոթվել է ու «Քրդական բանվորական կուսակցության» (PKK) փոխարեն ասել է Թուրքիայի զինված ուժեր (TSK):
Եվս մեկ հայտարարություն էլ տարածել է պետական հեռուստաալիքը և տեղեկացրել, որ հաղորդավարուհին հեռացվել է աշխատանքից ու նրա նկատմամբ հետաքննություն է սկսվել:
