17.09.2026 | 15:28
«Արևմուտքը բացահայտ միջամտում է Հայաստանի և Վրաստանի գործերին»․ Շոյգու
Վրաստանը դեպի ՌԴ տանող նոր ճանապարհ կկառուցի
Քաղաքականություն
18.02.2021 | 12:29
Վրաստանի իշխանությունները ծրագրում են նոր ճանապարհ ու թունել կառուցել Կվեսեթի-Կոբի ճանապարհահատվածում , որը շրջանցային ճանապարհ կլինի Կոբի-Գուդուարի ճանապարհահատվածի համար, որտեղ ձմռանը հաճախ են գրանցվում սողանքներ, ինչի պատճառով էլ ճանապարհը փակվում է։ Վրաստանն ու Ռուսաստանը կապող ռազմավարական ճանապարհին թունելի կառուցումը թույլ կտա նաև հայ բեռնափոխադրողներին օրերով խցանված չկանգնել դեպի «Վերին Լարս» տանող անցակետի ճանապարհին, գրում է Sputnik-Georgia-ն։
«9 կիլոմետրանոց Կվեսեթի-Կոբի թունելի համար 15 մետր տրամագծով հորատման սարքավորումներն արդեն գտնվում են Վրաստանում, և գարնանը կսկսվի ինչպես ճանապարհի, այնպես էլ թունելի շինարարությունը», – հայտարարել է Ցկիտիշվիլին:
Ըստ նախագծի՝ նախատեսվում է կառուցել 22,7 կմ երկարությամբ ճանապար, ինչպես նաև 6 կամուրջ ու 5 թունել, այդ թվում նաև 9 կմ երկարությամբ թունել Կրեստովի լեռնանցքի տակ։ Նշվում է, որ սա կլինի Եվրոպայում ամենաբարդ ինժեներական կառույցներից մեկն ու ամենաերկար թունելներից մեկը։
Տաթև Ֆռանգյան
