05.02.2026 | 22:13
Օտարերկրացիների կողմից ՀՀ-ում հաշվառված մեքենայով ճանապարհային խախտումների մասին որոշումները կծանուցվեն սահմանային անցակետերում
Եթե իշխանությունը պետք է հանձնվեր Կարեն Կարապետյանին՝ նրան որպես թեկնածու պիտի առաջադրեին. Մարուքյան. ՏԵՍԱՆՅՈՒԹ
17.02.2021 | 14:25
«Եթե Սերժ Սարգսյանը երրորդ ժամկետում պաշտոնավարման համար չառաջադրվեր և լիներ այնպես, ինչպես ներկայացվել էր ժողովրդին, որ Կարեն Կարապետյանն է լինելու վարչապետը, Հայաստանում հեղափոխություն չէր լինի: Այս մասին Ազգային ժողովում լրագրողների հետ ճեպազրույցում նշեց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով ՀՀ երրորդ նախագահ Սերժ Սարգսյանի հայտարարությանը, որ իշխանությունը նա հանձնել է Կարեն Կարապետյանին, այլ ոչ թե Նիկոլ Փաշինյանին։
«Մայիսի 1-ին խորհրդարանում իրավունք կար ներկայացնելու վարչապետի թեկնածու: «Ելք» դաշինքը ներկայացրեց Նիկոլ Փաշինյանի թեկնածությունը, «Հանրապետական» խմբակցությունը չառաջադրեց Կարեն Կարապետյանի թեկնածությունը վարչապետի պաշտոնում, և մայիսի 1-ին չքվեարկեցին, Նիկոլ Փաշինյանը չընտրվեց։
Մայիսի 8-ի ընտրությանը «Հանրապետականը» կրկին չառաջադրեց Կարեն Կարապետյանի թեկնածությունը վարչապետի պաշտոնում, և «Ծառուկյան», «Ելք», «ՀՅԴ» խմբակցությունների քվեարկությամբ վարչապետ ընտրվեց Նիկոլ Փաշինյանը։
Եթե իշխանությունը պետք է հանձնվեր Կարեն Կարապետյանին, նա պետք է առաջադրվեր»,- նշեց Մարուքյանը:
Մանրամասները՝ տեսանյութում:
