11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Իտալիայում ժայթքել է Էթնա հրաբուխը․ ՏԵՍԱՆՅՈՒԹ
Քաղաքականություն
17.02.2021 | 11:43
Սիցիլիայի արևելյան ափերին Էթնա հրաբխի նոր ժայթքումներ են ֆիքսել Իտալիայի գեոֆիզիկայի ու հրաբխագիտություն ազգային ինստիտուտի մասնագետները, գրում է ՌԻԱ Նովոստին։
Գիտնականների տվյալների համաձայն՝ ակտիվության հերթական ուժեղացումը սկսվել է տեղի ժամանակով ժամը 16։10-ին և ուղեկցվել է լավայի ու հրաբխային մոխրի ժայթքումներով, ինչն առաջացրել է հսկայական ամպ, որը շուրջ մեկ կիլոմետր վեր է խոյացել խառնարանի վրա։
Ժայթքումը գրանցվել է հրաբխի հարավարևելյան լանջին, որի երկայնքով շիկացած լավայի հոսքերն իջել են մինչև ծովի մակարդակից մոտ երկու հազար մետր բարձրության վրա:
Ստրոմբոլյան տիպի ժայթքումին բնորոշ են ոչ ուժեղ պայթյուններ, այսպես կոչված, հրաբխային «ռումբերի» ու բավականին խոշոր չափերի հասնող շիկացած խարամների կտորների արտանետումներ: Քարի այս կտորներն ընկել են հրաբխի մոտակայքում գտնվող մի քանի բնակավայրերի, մասնավորապես `Նիկոլոզի, Պեդարայի, Մասկալուցիայի և Տրեակաստանի վրա:
«Քարե անձրևը» որոշակի նյութական վնաս է հասցրել, սակայն զոհերի կամ վիրավորների մասին տեղեկություններ չկան:
Մանրամասները՝ տեսանյութում:
Տաթև Ֆռանգյան
Current state of #Etna volcano eruption in Sicily, Catania pic.twitter.com/IpQQXRD5UY
— Tancredi Palmeri (@tancredipalmeri) February 16, 2021
