Արմեն Գրիգորյանը սուտ է ասում, թող ապացուցի. Վազգեն Մանուկյան. ՏԵՍԱՆՅՈՒԹ

Անվտանգության խորհրդի քարտուղար Արմեն Գրիգորյանի հայտարարությունը, թե 2016-ին  Ապրիլյան պատերազմը կանգնեցվել է, որովհետև Հայասատնի իշխանությունը և Սերժ Սարգսյանը ինչ-որ բան է խոստացել Ադրբեջանին, սուտ է: Այս մասին լրագրողների հետ զրույցում հայտարարեց «Հայրենիքի փրկության շարժման վարչապետի թեկնածու Վազգեն Մանուկյանը:

«Ադրբեջանը 20 տարուց ավելի պատրաստվում էր դրան: «Հսկայական սպառազինություն գնեց, 2016-ին նա փորձեց առաջ գնալ։ Երկու օր իրեն հաջողվեց բավականին առաջ գնալ, բայց հետո դիմադրություն եղավ, նաև որոշ մասերում սկսեցին հետ նահանջել, դրա համար իրենք ուզեցին կանգնեցնել պատերազմը։ Իրենք դա համարեցին անհաջող փորձ: Դրանից հետո ՀՀ-ն բանակցություններում ստացավ առավելություններ: Դրանք Վիեննայի, Սանկտ Պետերբուրգի համաձայնագրերն էին»,- նշեց Մանուկյանը:

 Դուք ասում եք՝ Արմեն Գրիգորյանը սուտ է ասում, ժողովուրդը հիմա ո՞ւմ հավատ: Իշխանությունն ասում է Սերժ Սարգսյանը 2016-ին խոստում է տվել, է ընդդիմությունն ասում է՝ չի տվել, սուտ է ասում։ Կա՞ մի փաստ, ապացույց, որը կարելի է ներկայացնել. լրագրողի այս հարցին ի պատասխան՝ Մանուկյանը պատասխանեց. «Երբ որ մեկն ասում է՝ «խոստում է տվել», ինքը պետք է ապացուցի։ Եթե չի ապացուցում, ուրեմն խոստում չի ըտվել: Թող ապացուցեն։ Եթե ես մեկի մասին ասում եմ՝ ինչ| որ գաղտնի բաներ է արել, ես պետք է ապացուցեմ, ցանկացածի մասին ինչ ասես կարող ես ասել»:

Մանրամասները՝ տեսանյութում: