11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ՌԴ ռազմածովային նավատորմը՝ Իրանի հարավարևելյան ջրերում է․ համատեղ զորավարժություններ են սպասվում
Քաղաքականություն
16.02.2021 | 17:47
ՌԴ ռազմածովային նավատորմը մտել է Իրանի հարավարևելյան ջրերը՝ Իրանի Զինված ուժերի հետ համատեղ զորավարժություններ անցկացնելու։ Tasnim news agency-ի փոխանցմամբ՝ ռուսական նավատորմը կազմված է «Ստոյկի» հետախուզական ռազմանավից և «Կոլա» ռազմական լցանավից: Տեղեկացվում է, որ ռուսական նավատորմի հրամանատարական կազմը Չախբեխար նավահանգստում պետք է հանդիպի իրանցի գործընկերների հետ՝ համատեղ զորավարժություններին նախապատրաստվելու համար։
Իրանցի ադմիրալ Հաբիբոլլահ Սայարին հայտարարել է, որ ՌԴ հզոր ռազմածովային ուժերի հետ համատեղ զորավարժությունը հստակ ուղերձ է, որ իրանական նավատորմը իր սպառազինության, մարդկային ուժի, տեխնիկական ու տակտիկական, հրամանատարական ու վերահսկման, ինչպես նաև արդի հեռահաղորդակցման համակարգերի առումով հասել է համաշխարհայինի մակարդակի։
Վերջինս հավելել է, որ զորավարժությունների նպատակն է Հնդկական օվկիանոսի հյուսիսում անվտանգության հաստատումը։
Տաթև Ֆռանգյան
