11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Արցախի դատախազության աշխատանքային խումբն ընթացք կտա տեղահանվածների իրավունքների խախտման դիմումներին
Հասարակություն
16.02.2021 | 14:21
Արցախի Հանրապետության դեմ 2020թ․ սեպտեմբերի 27-ից սանձազերծված պատերազմի հետևանքով տեղահանված անձանց իրավունքների ենթադրյալ խախտումների ու հանցավոր դեպքերի վերաբերյալ՝ դիմումների, հաղորդումների, գրանցումն ու ընթացքավորումը համակարգելու նպատակով՝ Արցախի Հանրապետության գլխավոր դատախազի հրամանով ստեղծվել է աշխատանքային խումբ: Այս մասին տեղեկացնում են Արցախի Հանրապետության Գլխավոր դատախազությունից:
«Համաձայն հրամանի` ստեղծված աշխատանքային խումբը զբաղվելու է նաև մամուլում տարածված կամ կապի միջոցներով ստացված տեղեկությունների ուսումնասիրությամբ: Խմբի գործունեության նկատմամբ վերահսկողությունը կիրականացնի գլխավոր դատախազ Գուրգեն Ներսիսյանը, իսկ խումբը կղեկավարի գլխավոր դատախազի տեղակալ Նարեկ Հարությունյանը: Խմբում ներգրավված են գլխավոր դատախազության բաժինների պետեր, քաղշրջդատախազներ»,-հայտնում են Արցախի Գլխավոր դատախազությունից՝ հավելելով, որ հաղորդումների քննարկման արդյունքները և կայացված որոշումները՝ օպերատիվ կերպով կլուսաբանվեն ինչպես դատախազության պաշտոնական կայքէջում, այնպես էլ՝ զանգվածային լրատվամիջոցներով:
