08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
10 երկրում հայտնաբերվել է կորոնավիրուսային հիվանդության նոր շտամ
Քաղաքականություն
16.02.2021 | 13:47
Մեծ Բրիտանիայում ու այլ երկրներում հայտնաբերվել է կորոնավիրուսի ևս մեկ շտամ, այն անվանել են B1525, հայտնում է Guardian-ը՝ հղում կատարելով Էդինբուրգի համալսարանի հետազոտությունների կենտրոնին։
Մեծ Բրիտանիայում մասնագետները գրանցել են այդ շտանով վարակման շուրջ 32 դեպք, Դանիանում՝ 34, Նիգերիայում՝ 12, ԱՄում ու Ֆրանսիայում՝ 7 և 5 դեպքեր։ 5-ից քիչ թվով դեպքեր են գրանցվել Գանայում, Ավստրալիայում, Կանադայում, Հորդանանում ու Իսպանիայում։
Ինչպես նշում է հրատարակությունը, նոր շտամը օժտված է «պոտենցիալ մտահոգիչ մուտացիաների շարքով»։ Մասնավորապես գիտնականներին անհանգստացնում է Е484К փշոտ սպիտակուցում առաջացած մուտացիան, որը առկա է նաև բրազիլական ու հարավաֆրիկյան տարբերակներում և մասնագետների կարծիքով՝ այս մուտացիան ավելի դիմակայուն է հակամարմինների նկատմամբ։
Տաթև Ֆռանգյան
