14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Թրամփը չի բացառել ԱՄՆ-ի վերադարձը կլիմայի Փարիզյան համաձայնագիր
Քաղաքականություն
29.01.2018 | 11:43
ԱՄՆ նախագահ Դոնալդ Թրամփը կրկին չի բացառել կլիմայի Փարիզյան համաձայնագիր ԱՄՆ վերադարձի հնարավորությունը, փոխանցում է ria.ru-ն:
«Փարիզյան համաձայնագիրը մեզ համար աղետ կլիներ: Սակայն եթե լավ համաձայնագիր լինի, միշտ հնարավորություն կա վերադառնալու»,- ասել է Թրամփը բրիտանացի հեռուստալրագրող Փիրս Մորգանի հետ հարցազրույցում:
ԱՄՆ նախագահը նշել է, որ ներկայում համաձայնագիրն ԱՄՆ-ի համար «սարսափելի» ու «անարդարացի» է:
Կլիմայի առաջին գլոբալ՝ Փարիզյան համաձայնագիրը ստորագրվել է 2015-ի դեկտեմբերին, որը գլոբալ տաքացման զսպման գործողությունների ծրագիր է: Պայմանագիրը վավերացրել է 170 երկիր՝ պարտավորվելով նվազեցնել արտանետումները, տեխնոլոգիական վերազինման և կլիմայի փոփոխություններին ընտելանալու միջոցառումներ ձեռնարկել:
2017-ի հունիսի սկզբին Թրամփը հայտարարել էր, որ ԱՄՆ-ն Փարիզյան համաձայնագրից դուրս է գալիս, որին անդամկցելուն կողմ էր Բարաք Օբամայի վարչակազմը: Նախագահն իր որոշումը պատճառաբանել էր՝ համաձայնագրին անդամակցությունը ԱՄՆ-ին ձեռնտու չէ տնտեսական տեսակետից: Ըստ որում՝ նախկինում Թրամփը գլոբալ տաքացման տեսությունը մտացածին էր համարում:
