08.10.2026 | 11:03
Նիկոլ Փաշինյանի ճեպազրույցը՝ ՈՒՂԻՂ
Զենքի կրումը կթույլատրվի սահմանամերձ գյուղերում, նախագիծ է շրջանառվում․ Լուրեր
Քաղաքականություն
15.02.2021 | 18:10
Արցախի նախագահի աշխատակազմի հաշվարկներով` Արցախում այս պահին բնակվում է 105-110 հազար արցախցի, շուրջ 35-40 հազարն էլ դեռևս գտնվում են Հայաստանի Հանրապետությունում: Այս մասին հայտնել է աշխատակազմի ղեկավար Արտակ Բեգլարյանը:
—
Իմքայլական պատգամավոր Արմեն Խաչատրյանը Factor.am-ի հետ զրույցում ասել է, որ նախագիծ ունեն, որով սահմանամերձ գրեթե բոլոր համայնքներում կթույլատրվի զենք կրել անվտանգության նկատառումներով։ Ըստ պատգամավորի՝ նախագիծը արդեն շրջանառության մեջ է դրվել։
—
ՔԿ զինվորական քննչական գլխավոր վարչությունում քննվող քրեական գործով ՊԲ հրաձգային դիվիզիայի նախկին հրամանատարին մեղադրանք է առաջադրվել՝ քրեական օրենսգրքի 375-րդ հոդվածի (իշխանությունը չարաշահելը, իշխանազանցությունը կամ իշխանության անգործությունը) 4-րդ մասով նախատեսված հանցանք կատարելու համար: Վերջինս, ըստ քրեական գործի, չի ապահովել իր պատասխանատվության տակ հանձնված ստորաբաժանման՝ 72 զինծառայողների դիմավորումն ու հրամանատրումը։ Զինծառայողների մի մասը զոհվել է, մյուսները անհետ կորած են։
—
Հայրենիքի փրկության շարժում նախաձեռնության վարչապետի թեկնածու Վազգեն Մանուկյանը հանդիպում է կազմակերպել համակիրների հետ Ազատության հրապարակում։ Նա համակիրներին հրավիրել է քննարկելու հետագա անելիքները։
