29.06.2026 | 18:10
ՔՊ-ն ԱԺ փոխնախագահի թեկնածուների կընտրի // Մոսկվան կրկին ՀՀ-ի եվրաինտեգրումից է խոսել․ ԼՈՒՐԵՐ
Արտագաղթի մեծ թիվ չկա․ մանիպուլյացիաներ են արվում․ Գևորգ Պապոյան. ՏԵՍԱՆՅՈՒԹ
Քաղաքականություն
15.02.2021 | 16:40
Հայաստանի թիվ մեկ մարտահրավերը տնտեսության վերականգնումն է: Այս մասին այսօր հրավիրված ասուլիսում ասաց «Իմ քայլը» խմբակցության պատգամավոր Գևորգ Պապոյանը։
«Եթե կարողանանք տնտեսական խնդիրները կարգավորել, ապահովել տնտեսական աճ, նոր աշխատատեղեր ստեղծել, աշխատավարձերը և կենսաթոշակները բարձրացնել, կկարողանանք հաղթահարել խնդիրների զգալի մասը: Մեր խնդիրների մեծ մասը կապված են եղել արտագաղթի, կոռուպցիայի և անվստահության հետ: Համակարգային կոռուպցիայի դեմ պայքարում մեծ հաջողությունների ենք հասել: 2019-2020թթ աշխատավարձերը և կենսաթոշակները ամենաբարձրն են եղել Հայաստանի պատմության մեջ, բայց մենք պետք է շարունակենք բարձրացնել: Մեզ հաջողվել է պահպանել մակրոտնտեսական կայունությունը, և պետք է կարողանանք նոր շունչ հաղորդել տնտեսությանը»,- նշեց պատգամավորը:
Անդրադառնալով դիտարկմանը, որ ընդդիմադիր ուժերը խոսում են արտագաղթի մեծ թվի մասին, Գ. Պապոյանն ընդգծեց, որ արտագաղթի մեծ թիվ չկա. «Արտագաղթի մեծ թիվ եղել է այն ժամանակ, երբ որ այդ ընդդիմադիր ուժերը եղել են կոալիցիաների մեջ: Վերջին տարիներին՝ 2018-ից հետո, ընդհակառակն է, մուտքերի թիվը ելքերի թվից մեծ է: Զանազան մանիպուլյացիաներ կան, որոնք զայրույթ են առաջացնում, բայց ժողովուրդը արագ բացահայտում է տարատեսակ ստերը»:
Մանրամասները՝ տեսանյութում:
