18.09.2026 | 19:00
Մեկ քարտ՝ ՀՀ-ում, Չինաստանում և աշխարհի տարբեր երկրներում․Arca-ն ու UnionPay-ը նոր քարտ են գործարկել. ՏԵՍԱՆՅՈՒԹ
«Սուրբ Հռիփսիմե» եկեղեցու մոտ ավտոմեքենաներ են բախվել. կան տուժածներ
29.01.2018 | 10:32
Հունվարի 28-ին, ժամը 21:52-ին ահազանգ է ստացվել, որ Արմավիրի մարզի Էջմիածին քաղաքի Մաշտոցի պողոտայում «Սուրբ Հռիփսիմե» եկեղեցու մոտակայքում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Lada Priora» մակնիշի 71 PX 700 պետհամարանիշի (վարորդ՝ 1984 թ. ծնված Է. Թ.) և «Toyota Cemry» մակնիշի 77 MG 077 պետհամարանիշի ավտոմեքենաները (վարորդ՝ 1992 թ. ծնված Մ. Ղ.):
Մինչ հրշեջ-փրկարարների կանչի վայր հասնելը, «Lada Priora» վարորդը և ուղևորներ՝ 1985 թ. ծնված Կ. Ք.-ը, 1988 թ. ծնված Կ. Ս.-ը տեղի ուժերով տեղափոխվել են Վաղարշապատի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել և փակել են ավոմեքենաների գազի բալոնների փականները:
