14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Նոր իշխանությունը կարճ ժամանակամիջոցում կտրվեց իրականությունից․ Կարեն Սիմոնյան. ՏԵՍԱՆՅՈՒԹ
Քաղաքականություն
12.02.2021 | 16:02
Իշխանության աշխատանքը ոչ բնականոն է, որի հետևանով ունենք բազմաթիվ խնդիրներ: Այս մասին Factor.am-ի հետ զրույցում ասաց «Լուսավոր Հայաստան» խմբակցության պատգամավոր Կարեն Սիմոնյանը՝ հավելելով, որ իշխանությունը ոչ թե աշխատանք է իրականացնում, այլ իներցիայով է առաջ գնում:
«Ճգնաժամ է, դա նշանակում է, որ քաղաքական իշխանությունը չի կարողանում արժեքներ առաջարկել հասարակությանը: Հասարակության մեջ կա դժգոհություն, բայց այդ դժգոհության դուրս հորդելու ճանապարհը չկա: Արտահերթ ընտրությունների անցկացման դեպքում հասարակությունը կարող էր իր դժգոհությունն ու վերաբերմունքն արտահայտել իր քվեի միջոցով: Այժմ իշխանությունները հրաժարվում են այդ ճանապարհից, ինչը բերելու է ավելի մեծ լարվածության, և վաղ թե ուշ իշխանությունը հանգելու է արտահերթ ընտրություններ անցկացնելու մտքին»,- նշեց պատգամավորը:
Նա նաև հավելեց, որ ընդդիմությունն իր պայքարը պետք է շարունակի առանց դադարի և առանց ընկճվելու: Պատգամավորի դիտարկմամբ՝ ակնհայտ է, որ կառավարությունն ի վիճակի չէ իրականացնել ճգնաժամային կառավարում:
Ըստ Սիմոնյանի՝ նոր իշխանությունը, ինչպես նախկին իշխանությունները, կտրվել է իրականությունից. «Նոր իշխանությունները շատ ավելի կարճ ժամանակամիջոցում կտրվեցին իրականությունից և չեն պատկերացնում, թե ինչ է կատարվում երկրում»:
Մանրամասները՝ տեսանյութում:
