14.12.2024 | 14:42
Թողարկվելու է մաեստրո Տիգրան Մանսուրյանի կինոերաժշտության ալբոմը
Բոլորը մեղավոր չեն, իրավիճակի համար կոնկրետ մեղավորներ կան. Էդմոն Մարուքյան. ՏԵՍԱՅՈՒԹ
Քաղաքականություն
12.02.2021 | 12:12
«Այս ամենում բոլորս մեղավոր չենք, նրանք, ովքեր իրենց պարտականությունները սրբորեն կատարել են, էդ ինչո՞վ են մեղավոր»,- այսօր խորհրդարանական ճեպազրույցների ընթացքում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը։
Պատգամավորի խոսքով՝ չպետք է մեղավորներին մի կողմ թողնել ու ամեն օր նոր մեղավորներ փնտրել։
«Լրագրողները պտտվում են, ընդդիմադիր գործիչներին հարցնում՝ դուք չե՞ք համարում, որ մեղավոր եք, որ Հադրութը գրավեցին կամ Շուշին հանձնեցին… Մի նոր բան կա շրջանառության մեջ դրված՝ բոլորս մեղավոր ենք: Բոլորս մեղավոր չենք: Նրանք, ովքեր իրենց պարտականությունները սրբորեն կատարել են, էդ ինչո՞վ են մեղավոր: Պետք է զերծ մնալ մանիպուլյացիաներից, թե՞ բոլորը մեղավոր են՝ բացի վարչապետից, ՊՆ-ից ու գեներալներից: Հիշեք՝ բոլորը մեղավոր չեն, կոնկրետ մեղավորներ կան, նրանց բացահայտելու ու պատժելու համար առաջարկում ենք ստեղծել փաստահավաք խումբ։ Նրանք, ովքեր դեմ են դրա ստեղծմանը, ուզում են, որ երկրում անդադար միկրոֆոններով մարդիկ պտտվեն ու իրար հարցնեն՝ ո՞վ է մեղավոր, անդադար մեդիատեռոր լինի, սուտ տարածվի, ու թացը-չորը վառվեն, գնան, այդպես էլ չիմանանք՝ ով էր մեղավոր, ով չէր մեղավոր»,- ասաց Մարուքյանը։
Պատգամավորը նշեց նաև, որ համացանցում օրերս տարածված հայտարարության վերաբերյալ հարցում են ուղարկել՝ տեսնելու՝ այն իրակա՞ն է, թե՞ ոչ, և եթե իրական է՝ ի՞նչ իրավական ուժ ունի:
«Այս երեք օրերի ընթացքում կա՛մ հերքման, կա՛մ հաստատման տեքստ պետք է լիներ, բայց չի եղել։ Սա է պրոբլեմը»,- նշեց ԼՀԿ խմբակցության ղեկավարը։
Մանրամասները՝ տեսանյութում:
