07.10.2026 | 23:48
Արթուր Դանիելյանը կալանավորվեց
Հակապետական հուշագիր է. իշխանությունից հոդաբաշխ բացատրություն ենք պահանջում. Տարոն Սիմոնյան. ՏԵՍԱՆՅՈՒԹ
Քաղաքականություն
12.02.2021 | 11:54
Պարզվում է՝ այդ հայտարարությունը գաղտնի կնքվել է դեռևս դեկտեմբերին և հարաբերություններ է կարգավորել մինչև դեկտեմբերի 18-ն ընկած ժամանակահատվածում: Այս մասին խորհրդարանական ճեպազրույցների ժամանակ ասաց «Լուսավոր Հայաստան» խմբակցության անդամ Տարոն Սիմոնյանը՝ անդրադառնալով համացանցում տարածված՝ Արցախին ու Սյունիքին վերաբերող հայտարարության տեքստին:
Պատգամավորն ընդգծեց, որ իշխանությունից պահանջում են հոդաբաշխ բացատրություն, թե ինչի մասին է խոսքը: Սիմոնյանի խոսքով՝ հրապարակված փաստաթղթում միայն տեքստ է, հայկական կողմից ստորագրություն չկա:
«Չգիտենք՝ դա ինչ ուժ ունեցող փաստաթուղթ է: Եթե անգամ դա ստորագրված լինի գործադիր իշխանության կողմից, սա ոչ միայն հակապետական ու հակազգային, այլ նաև իրավունքի կոպիտ խախտումով ու իրավաբանական ուժ չունեցող փաստաթուղթ է: Կարգավորվում են հարաբերություններ, որոնք միջազգային պայմանագրային կարգավորման առարկա են, իսկ մեր Սահմանադրության համաձայն՝ նմանատիպ փաստաթղթերն ուժ ստանալու համար պետք է Սահմանադրական դատարան, հետո ԱԺ մտնեն և վավերացվելուց հետո միայն կիրառական նշանակություն ունենան»,- մանրամասնեց Սիմոնյանը:
Նա նաև հավելեց, որ փաստաթղթում նշված փաստերը վկայում են, որ մինչև դեկտեմբերի 18-ն արդեն կոնկրետ գործողություն է կատարվել: «Նշված դրույթները ոչնչացնում են Արցախի ինքնորոշմանն ուղղված այն պետական քաղաքականությունը, որը վարվել է տասնամյակների ընթացքում»,- ընդգծեց ԼՀԿ խմբակցության պատգամավորը:
Մանրամասները՝ տեսանյութում:
