10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Սեֆիլյանի գործով դատարան կբերվեն Պավել Մանուկյանն ու Վարուժան Ավետիսյանը
Հասարակություն
26.01.2018 | 14:28
Ժիրայր Սեֆիլյանի և մյուսների գործով այսօրվա դատական նիստին, փաստաբան Արայիկ Պապիկյանը միջնորդություն ներկայացրեց, որպեսզի գործին որպես վկա ներգրավեն «Սասնա ծռեր» խմբի անդամ Վարուժան Ավետիսյանին:
«Այս ամենը կարող է էական նշանակություն ունենալ, ինչպես այս գործով իմ պաշտպանյալ Ժիրայր Սեֆիլյանի, այնպես էլ մյուս գործով իմ պաշտպանյալ Վարուժան Ավետիսյանի, նաև այս դատաքննության համար»,- ասաց փաստաբանը:
Փաստաբան Տիգրան Եգորյանն էլ միջնորդեց, որ դատարան բերվեն նաև Պավել Մանուկյանն ու հետախուզման մեջ գտնվող Գարեգին Չուգասզյանը: Դատավոր Տաթևիկ Գրիգորյանը Արայիկ Պապիկյանի միջնորդությունը բավարարեց, իսկ Տիգրան Եգորյանի միջնորդությունը բավարարեց միայն Պավել Մանուկյանի մասով:
Այսպիսով Սեֆիլյանի գործով դատարան կբերվեն Պավել Մանուկյանն ու Վարուժան Ավետիսյանը: Փաստաբանները ներկայացնում են ապացույցների այն մասերը, որոնք ըստ իրենց կազմվել են խախտումներով:
