16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
2020-ին ինտենսիվ այգիները 10 անգամ աճել են. Նիկոլ Փաշինյան. ՏԵՍԱՆՅՈՒԹ
Տնտեսություն
11.02.2021 | 11:52
Այս տարի էական շարժ է արձանագրվել ինտենսիվ գյուղատնտեսության առումով: Կառավարության այսօրվա նիստում այս մասին ասաց վարչապետ Նիկոլ Փաշինյանը:
«2019թ. ընթացքում ինտենսիվ այգիների տարածքները 2018-ի համեմատ աճել էին 2.5 անգամ, իսկ 2020թ. դրանք 2019-ի համեմատ աճել են 10 անգամ՝ 53 հեկտարից դառնալով 518 հեկտար»,- նշեց նա:
Փաշինյանն անդրադարձավ նաև թարմ մրգի և բանջարեղենի արտահանման ծավալներին՝ նշելով, որ 2%-ի աճ է գրանցվել:
«Բայց գնային առումով աճը կազմել է 37%: Սա նշանակում է, որ սա էլ կապ ունի ինտենսիվ այգեգործության հետ: Երբ գնային ավելի բարձր սեգմենտի արտադրանք է արտահանվում, իսկ գնային ավելի բարձր սեգմենտի արտադրանքն արտադրվում է ինտենսիվ այգիներում: Վիճակագրությունը ցույց է տալիս, որ ոլորտում ներդրումներ արած մարդիկ ռեալ և իրական շանս ունեն ու հետ են ստանում իրենց կատարած ներդրումները: Գյուղատնտեսական տարին լավատեսությամբ ենք մեկնարկում: Երեկ Ջրային կոմիտեից մեզ զեկուցեցին, որ ձյան շերտն այնպիսին է, որ հույս ունենք ջրային պաշարների մեծ խնդիրներ առնվազն չենք ունենա»,- նշեց վարչապետը:
Մանրամասները՝ տեսանյութում:
