Հասարակություն
26.01.2018 | 13:05
ԱԺ-ում առաջին ընթերցմամբ ընդունված Դատական նոր օրենսգրքի դրույթներից մեկն առաջացրել է փաստաբանների դժգոհությունը: Ըստ այդմ՝ դատավորներին իրավունք է տրվում փաստաբաններին մինչև 100 հազար դրամով տուգանել:
Փաստաբանները պնդում են՝ սա ուղղված է իրենց անկախության սահմանափակմանը և պահանջում են, որ երկրորդ ընթերցմամբ այս դրույթը վերացվի:
Փաստաբանների պալատը ևս դեմ է օրինագծին: Նրանց նախաձեռնությամբ ստորագրահավաք է սկսվել, որին, ինչպես տեղեկացանք ՓՊ-ից, միացել է 1400-ից ավելի փաստաբան:
Նշենք, որ գործող փաստաբանների թիվը 1909 է: ՓՊ մամուլի խոսնակ Ծովինար Խաչատրյանն ասաց, որ երեկ ՓՊ նախագահ Արա Զոհրաբյանը հանդիպել է ԱԺ պետաիրավական հարցերի հանձնաժողովի նախագահ Հրայր Թովմասյանի հետ: Նրանք քննարկել են փաստաբանների մտահոգություններն ու Հրայր Թովմասյանը խոստացել է, որ հանձնաժողովը կքննարկի հարցը:
Լիլիթ Շաբոյան
