18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ինչո՞ւ չի վերացվում ռազմական դրությունը․ պատգամավորի հարցին պատասխանում է արդարադատության նախարարը. ՏԵՍԱՆՅՈՒԹ
Հասարակություն
10.02.2021 | 17:51
Ինչո՞ւ Հայաստանում չի վերացվում ռազմական դրությունը: Արդյո՞ք դա քաղաքական շարժառիթ ունի: Այս հարցերն ԱԺ-ում Կառավարության հետ հարցուպատասխանի ժամին հնչեցրեց «Լուսավոր Հայաստան» խմբակցության պատգամավոր Արկադի Խաչատրյանը:
Ի պատասխան՝ ՀՀ արդարադատության նախարար Ռուստամ Բադասյանը նշեց, որ ո՛չ արտակարգ, ո՛չ էլ ռազմական դրության պահպանումը ինքնանպատակ չի կարող լինել:
«Հարցը գտնվում է համապատասխան լիազոր մարմնի ուշադրության կենտրոնում, և այն պահից սկսած, երբ ռազմական դրությունը պաշտպանելու հիմքերը կվերանան, ռազմական դրությունն անմիջապես կվերացվի կառավարության կողմից»,- ասաց Բադասյանը՝ հավելելով, որ որևէ քաղաքական ենթատեքստ այդ հարցում չկա:
Արդարադատության նախարարը չմանրամասնեց ռազմական դրությունը պահպանելու հիմքերը՝ նշելով, որ դրանք վերաբերում են երկրի անվտանգությանը: Ռուստամյանը վստահեցրեց, որ այն խոչընդոտ չէ Հայաստանում ներդրումների կատարելու համար:
Մանրամասները՝ տեսանյութում:
