07.10.2026 | 23:48
Արթուր Դանիելյանը կալանավորվեց
Ուզում եք ստեղծել գրպանային ռեկտորների ինստիտուտ․ ԲՀԿ-ն դեմ կքվեարկի «Բարձրագույն կրթության» օրինագծին. ՏԵՍԱՆՅՈՒԹ
Քաղաքականություն
10.02.2021 | 15:59
ԱԺ-ում «Բարձրագույն կրթության և գիտության մասին» օրինագծի քննարկման ժամանակ ԲՀԿ խմբակցության պատգամավոր Նաիրա Զոհրաբյանը կարդաց երբեմնի ընդդիմադիր պատգամավոր Նիկոլ Փաշինյանի ելույթներից հատվածներ՝ բուհերի և դպրոցների կուսակցականացման դեմ:
«Իսկ հիմա վերադառնանք նիկոլական ժամանակներ. մեր օրերում Աբովյանի թիվ 1 դպրոցում պարտադրում են տնօրեն, որը ամեն օր աշխատանքի է գնում ոստիկանական պահակախմբով: Մեր օրերում Սլավոնական համալսարանի ռեկտորը գրում է, որ իրեն ԱԱԾ-ի միջոցով փոխանցվել է Նիկոլ Փաշինյանի նամակը՝ ռեկտորի պաշտոնից հրաժարվելու մասին»,- նշեց Զոհրաբյանը:
Նա ընդգծեց, որ այս օրենքի ալֆան և օմեգան պետք է լիներ ակադեմիական ազատությունը. «Բայց ձեր բերած օրենքը ակադեմիական ազատության հիմնաքարի խախտում է»:
Զոհրաբյանն անդրադարձավ նաև բուհերի ռեկտորների ընտրության կարգին: Դիմելով ԿԳՄՍ նախարարին՝ նա նշեց, որ վստահ է՝ նախարարը կատարելու է ռեկտորի քաղաքական ընտրություն. «Դուք շարունակում եք նախկինների օրգանական, շղթայական գործելաոճը, պարզապես փոխվել են անձերը։ Դուք ուզում եք ստեղծել «գրպանային» ռեկտորների ինստիտուտ»:
Մանրամասները՝ տեսանյութում:
