18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Ինչ պետք է անի ԵԱՀԿ ՄԽ-ն պատերազմից հետո, ՊՆ ղեկավարն ընդունել է խաղաղապահների հրամանատարին. Լուրեր
Քաղաքականություն
10.02.2021 | 15:50
ԵԱՀԿ Մինսկի խմբի համանախագահների գործունեությունը պետք է շարունակվի։ Այն կարող է օգտակար լինել հետագա քայլերի համար փոխադարձաբար ընդունելի մոտեցումների մշակման հարցում, այդ թվում նաև՝ կարգավիճակի վճռման հարցում։ Այս մասին հայտարարել է ՌԴ փոխարտգործնախարար Անդրեյ Ռուդենկոն:
—
Պաշտպանության նախարար Վաղարշակ Հարությունյանն ընդունել է Արցախում տեղակայված ՌԴ խաղաղապահ զորախմբի հրամանատար Ռուստամ Մուրադովին, շնորհակալություն է հայտնել գերիների փոխանակման գործընթացում ակտիվ դերակատարում ունենալու, ինչպես նաև անհայտ կորածների որոնողական աշխատանքներին աջակցելու համար։
—
Արցախի փրկարարներն այսօր Ադրբեջանի վերահսկողության տակ անցած տարածքներում վերսկսել են որոնողական աշխատանքները: Փրկարարական ջոկատներն այսօր որոնումներ են իրականացնելու Վարանդայի (Ֆիզուլի) շրջանում:
—
Մեր փոքրիկ հանրապետության համար այսքան բուհը «ճոխություն» է։ Այս մասին Ազգային ժողովում պատգամավորների հարցերին պատասխանելիս ասել է ԿԳՄՍ նախարար Վահրամ Դումանյանը։ Նրա խոսքով՝ դժվար է այդքան բուհի համար կառավարող խորհուրդներում մարդկանց նշանակել։ Նախարարության ներկայացրած նախագծով առաջարկվում է կրճատել կառավարող խորհուրդները և դրանցում մեծամասնություն տալ կառավարության և նախարարության ներկայացուցիչներին։
