09.06.2026 | 22:52
Միկա Բադալյանին կալանավորելու միջնորդությունը բավարարվել է
ՀՀ հաջորդ կառավարությունը պետք է լինի կոալիցիոն․ ԼՀԿ-ական պատգամավոր. ՏԵՍԱՆՅՈՒԹ
Քաղաքականություն
10.02.2021 | 13:34
Հայաստանում այնքան արագ են տեղի ունենում փոփոխությունները, որ անկանխատեսելի է, թե ինչ կարող է լինել: Ընտրությունները ևս անկանխատեսելի են, դիրքավորումը կարող է փոխվել: «Արտահերթ չընտրություններ. քաղաքական պայքարը տեղափոխվում է փողո՞ց» քննարկման ժամանակ այս մասին ասաց «Լուսավոր Հայաստան» խմբակցության պատգամավոր Կարեն Սիմոնյանը։
«ԼՀԿ-ն գնում է իր ճանապարհով, մտադիր է ընտրություններին մասնակցել ինքնուրույն, սակայն հնարավոր է՝ ընտրությունների նախօրեին իրավիճակն այնպես փոխվի, որ ԼՀԿ-ն որոշի մասնակցել ավելի լայն կոնսոլիդացիայով կամ այլ ճակատով։ Դա չենք կարող բացառել»,- հավելեց նա:
Պատգամավորի դիտարկմամբ՝ արտահերթ ընտրությունների չգնալը կարող է ունենալ տխուր հետևանքներ. «Սոցիալական լարվածությունը կաճի, հասարակության մեջ կրքերը գնալով բորբոքվելու են, և չենք կարող կանխատեսել, թե ինչ հետևանքների կբերի կուտակված ատելությունը: Բացի այդ՝ կան տնտեսական, անվտանգային և արդարադատության խնդիրներ, և կառավարությունն ունակ չէ լուծել այդ խնդիրները»:
Կարեն Սիմոնյանի կարծիքով՝ ՀՀ հաջորդ կառավարությունը պետք է լինի կոալիցիոն:
Մանրամասները՝ տեսանյութում:
