11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Հայաստանում պետք է իշխանություն, որը չկա, կան բուտաֆորիկ կառույցներ, որոնք խանգարում են իշխանության կայացմանը. Արմեն Բաղդասարյան. ՏԵՍԱՆՅՈՒԹ
Քաղաքականություն
09.02.2021 | 13:26
Արտահերթ ընտրություններ չանցկացնելու վերաբերյալ «Իմ քայլի» հայտարարությունից հետո քաղաքական ուժերը կակտիվանան: «Արտահերթ ընտրություն չի՞ լինի. ինչի՞ց է անհանգստանում վարչապետը» թեմայով քննարկման ժամանակ այս կարծիքը հայտնեց վերլուծաբան, հրապարակախոս Արմեն Բաղդասարյանը:
Վերլուծաբանի դիտարկմամբ՝ մարդիկ փղոց դուրս չեկան երեք պատճառով. «Հարթակում կանգնածները հանրային աջակցություն չստացան՝ հաշվի առնելով նրանց անցած ճանապարհը, երկրորդ՝ նրանք հստակ ծրագիր չունեն, ընդամենը կարգախոս ունեն՝ «Նիկո՛լ հեռացիր», և երրորդ՝ Ռուսաստանի գործոնն է, ՌԴ իշխանությունները չեն ցանկանում, որ այս իշխանությունները հեռանան, այլապես կարող էին փողոցում մի քանի հազար մարդու ներկայություն ապահովել՝ հաշվի առնելով ռուսական կապիտալով աշխատող ընկերությունների պոտենցիալը»:
Արմեն Բաղդասարյանի կարծիքով՝ Հայաստանում արտահերթ ընտրություններ կանցկացվեն, քանի որ կձևավորվի հանարային պահանջ:
«Ինձ մոտ տպավորություն կա, որ Նիկոլ Փաշինյանը մեր համբերության չափն է ստուգում։ Հայաստանին իշխանություն է պետք, մենք, փաստորեն, չունենք խորհրդարան, չունենք գործադիր իշխանություն, կան բուտաֆորիկ կառույցներ, որոնք զբաղեցնում են այդ տեղը և թույլ չեն տալիս, որ իշխանություն ձևավորվի: Մինչդեռ մեզ ուժեղ և հանրային աջակցություն վայելող իշխանություն է պետք, որը չունենք»,- նշեց վերլուծաբանը:
Մանրամասները՝ տեսանյութում:
