13.12.2024 | 21:43
Ադրբեջանում քննարկում են զինծառայության ժամկետը 1 տարի դարձնելու հարցը
Թրամփի իմփիչմենթը. Սենատը ճանապարհ է հարթում նախկին նախագահի շուտափույթ դատավարության համար
Քաղաքականություն
09.02.2021 | 13:13
Երեքշաբթի օրը մեկնարկելու է ԱՄՆ նախկին նախագահ Դոնալդ Թրամփի երկրորդ իմփիչմենթի դատավարությունը, քանի որ Սենատի ղեկավարները համաձայնել են արագացված ժամանակացույցի հետ։ Այս մասին հայտնում է BBC news-ը։
ԱՄՆ նախկին նախագահը մեղադրվում է հունվարի 6-ին Կապիտոլիումի վրա հարձակումից առաջ իր կողմնակիցների առջև ելույթ ունենալիս ապստամբություն հրահրելու համար։ Դեմոկրատները պնդում են, որ նրա մեղավորությունը ապացուցող բազմաթիվ ապացույցներ ունեն, մինչդեռ Թրամփի պաշտպանական թիմը պնդում է, որ խռովարարները անկախ են գործել։
Պաշտպանական թիմը դատավարությունն աբսուրդային ու ոչ սահմանադրական է անվանել։
Դոնոլադ Թրամփը ԱՄՆ պատմության մեջ միակն նախագահն է, որը իմփիչմենթի է ենթարկվում երկրորդ անգամ։ Եթե վերջինս մեղավոր ճանաչվի, ապա այլևս չի կարողանա զբաղեցնել երկրի ղեկավարի պաշտոնը։ Թրամփին դատապարտելու համար պահանջվում է Սենատի երկու երրորդի ձայնը. դեմոկրատների թիվը 50 է, և քիչ նշաններ կան, որ հանրապետականները կմիանան նրանց:
Տաթև Ֆռանգյան
