11.10.2026 | 19:18
Արարատ Միրզոյանն աշխատանքային այցով կգտնվի Լեհաստանում
Արցախի ԱԻՊԾ տնօրենն ընդունել է Արցախում Կարմիր խաչի միջազգային առաքելության ներկայացուցիչներին
08.02.2021 | 21:43
ԱՀ ԱԻ պետական ծառայության տնօրեն, գնդապետ Մեխակ Արզումանյանն այսօր ընդունել է Արցախում Կարմիր խաչի միջազգային առաքելության ներկայացուցիչներ Ռոման Շահրամանյանին և Էման Էիդին:
Է.Էիդը նախ շնորհավորել է Մեխակ Արզումանյանին պատասխանատու պաշտոնում նշանակվելու կապակցությամբ և կարևորել երկու գործընկեր կառուցների միջև ձեռք բերված համագործակցության արդյունքները:
Քննարկման հիմնական թեման ԱԻ ծառայության փրկարարական ջոկատների կողմից իրականացվող որոնողական աշխատանքներն են, որոնք մեկնարկել են 2020 թվականի նոյեմբերի 13-ին և շարունակվում են մինչ օրս: ԿԽՄԿ-ն որպես միջնորդ կողմ համագործակցության եզրեր է գտնում հակամարտող կողմերի միջև:
Կարմիր խաչի առաքելության ներկայացուցիչները որոնողական աշխատանքների գործընթացը կազմակերպելուց, ինչպես նաև ՌԴ զորակազմի ու ադրբեջանական կողմի հետ բանակցելուց զատ, նաև իրենց պատրաստակամությունն են հայտնել հաճախակի հանդիպումներ կազմակերպել զոհված կամ անհետ կորած զինծառայողների ծնողների հետ՝ հոգեբանական աջակցություն ցուցաբերելու նպատակով:
Հանդիպումներ և քննարկումներ են նախատեսվում որոնողափրկարարական և այլ մարդասիրական աշխատանքներում ընդգրկված կառույցների ներկայացուցիչների հետ:
ԱԻ ծառայության ղեկավարը վստահություն է հայտնել, որ երկու կառույցների միջև տարբեր ոլորտներում համագործակցությունը դրական արդյունքներ կապահովի:
