11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Սխալվել ենք. պետք է ավելի բիրտ լինեինք, օրենքն ավելի կտրուկ գործեր, ինչը մեզ մոտ չստացվեց. Սիմոնյան. ՏԵՍԱՆՅՈՒԹ
Քաղաքականություն
08.02.2021 | 18:15
Մենք հեղափոխության ժամանակ ասել էինք, որ մարդկանց այնպես չենք վերաբերվելու, որ մտավախություններ առաջանան, բայց ժամանակը ցույց տվեց, որ մենք պետք է ավելի բիրտ լինեինք: Այս մասին խորհրդարանում լրագրողների հետ զրույցում ասաց ԱԺ փոխնախագահ Ալեն Սիմոնյանը՝ անդրադառնալով հարցին, թե ինչու 2.5 տարվա ընթացքում լեգիտիմություն ունեցող իշխանությունը ժամանակին շատ անձանց դղյակներ չդարձրեց անօդաչու սարքեր, զենք-զինամթերք:
«Օրենքը պետք է շատ ավելի կտրուկ և արագ կիրառվեր, ինչը մեզ մոտ, ցավոք, չստացվեց։ Հունիսին ավարտվում է մեր 6-ամսյա ճանապարհային քարտեզի ժամկետը, որի մի մասն իրագործվել է, կներկայացնենք, հետո ընտրություն կլինի, մեր ժողովրդին կասենք՝ կներեք այս բանի համար, այս ենք արել, այն ենք արել, և կասենք՝ ում էլ դուք ընտրեք, այդ ընտրությունը կմնա, եթե անգամ մենք պարտվենք, մենք դա կարձանագրենք և կշնորհավորենք հաղթողին»,- նշեց Ալեն Սիմոնյանը:
Նա նաև նշեց, որ արտահերթ ընտրությունների հանրային պահանջ չկա և մինչև հունիս հազիվ թե արտահերթ ընտրություններ անցկացվեն:
Մանրամասները՝ տեսանյութում:
