Քաղաքականություն
08.02.2021 | 17:17Ես ոչ մի հուշագիր չեմ ստորագրի, թող վարչապետը հրաժարական տա, թող ցրեն խորհրդարանը, կգնանք ընտրությունների: Այս մասին այսօր ԱԺ-ում լրագրողների հետ ճեպազրույցում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
Հարցին՝ պետք է արդեն մոռանա՞լ արտահերթ ընտրությունների մասին, Մարուքյանը պատասխանեց. «Ո՛չ, մի՛ մոռացեք: Սա մանիպուլյացիա է, արտահերթ ընտրություններ լինելու են ինչ-որ մի ձևով: Այսինքն՝ քաղաքական ճգնաժամը չհաղթահարելով՝ իշխանությունը ստիպված տանելու է ընտրությունների: Հետևաբար, որևէ նմանատիպ հայտարարություն ես լուրջ չեմ ընդունում: Մենք շարունակում ենք մեր աշխատանքը, մենք շարունակում ենք մեր քաղաքական օրակարգը կետ առ կետ առաջ տանել»:
Էդմոն Մարուքյանը նաև ընդգծեց, որ իշխանության հրաժարականի պահանջը կա, դա ձևավորված է և այդ ուղղությամբ աշխատանքներ են տարվում:
Մանրամասները՝ տեսանյութում:
