18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ես, պայմանական ասած, պետք է ամեն ինչ անեմ, որ հաջորդ անգամ ժողովուրդն ինձ չընտրի. Հովիկ Աղազարյան. ՏԵՍԱՆՅՈՒԹ
Քաղաքականություն
08.02.2021 | 14:05
Պատգամավորներով կազմակերպել ենք հանդիպումների շարք մեր ընտրողների հետ և այդ հանդիպումների արդյունքում եկել ենք եզրահանգման, որ արտահերթ ընտրությունների հանրային պահանջ չկա։ Այս մասին ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Հովիկ Աղազարյանը։
Նա նաև հավելեց, որ արտահերթ ընտրություններ անցկացնելու գաղափարից հրաժարվել են նաև՝ ելնելով խորհրդարանական ընդդիմության դիրքորոշումից․ «Եթե մենք գնում ենք արտահերթ ընտրությունների՝ ըստ Սահմանադրության, և սա ԼՀԿ-ի և ԲՀԿ-ի համար ընդունելի չէ, նրանք և նրանց կոչով այլ կուսակցություններ բոյկոտեն, բա հետո՞։ Դրա համար էլ մենք ասում ենք՝ պետք է կոնսենսուս լինի»։
Անդրադառնալով դիտարկմանը, որ ՀՀ երկրորդ նախագահ Ռոբերտ Քոչարյանը հայտարարել էր, որ վերադառնում է ակտիվ քաղաքականություն, և այժմ քննադատություններ կան, որ, թերևս, իշխանությունը վախեցավ այս հայտարարությունից, Աղազարյանը նշեց, որ Ռոբերտ Քոչարյանը միշտ եղել է ամենաակտիվ քաղաքանության մեջ, հետևաբար՝ նրա հայտարարությունն անակնկալ չի եղել իրենց համար:
«Եթե մենք անցկացնենք արդար, թափանցիկ ընտրություններ, և Ռոբերտ Քոչարյանը հաղթի առանց ընտրակաշառք բաժանելու, ես ինքս՝ որպես քաղաքացի, տեր կլինեմ այդ ընտրության արդյունքներին»,- ասաց պատգամավորը:
Նա նաև չբացառեց, որ հետագայում, օրինակ՝ 4 ամիս հետո, կփոխեն իրենց որոշումը և կհայտարարեն արտահերթ ընտրությունների անցկացման անհրաժեշտության մասին. «Արտախորհրդարանական ընդդիմությունը շատ խիստ ձևով իր սլաքները պետք է ուղղի ԼՀԿ-ի և ԲՀԿ-ի ուղղությամբ, որ համախմբվեն և պատրաստակամություն հայտնեն արտահերթ ընտրութունների այն ձևով, ինչ ձևով ամրագրված է Սահմանադրությամբ»։
Ինչ վերաբերում է երկրորդ անգամ «Իմ քայլի» ընտրվելուն, Աղազարյանը նշեց. «Որպես պատգամավոր՝ ես պետք է ամեն ինչ անեմ, որ ժողովուրդը հաջորդ անգամ ինձ չընտրի»:
Մանրամասները՝ տեսանյութում:
