18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Զբոսաշրջությունը շորտիկ-մայկայով, լուսանկարող սարքով մարդը չէ, դա ազդեցիկ ոլորտ է»․ Զեյթունցյան. ՏԵՍԱՆՅՈՒԹ
Տնտեսություն
05.02.2021 | 13:27
Հայաստանը պատերազմի հետևանքով կայուն երկրների ցանկում խոցելիության ինդեքսով մեկ աստիճան ներքև է իջել և հասել է «զգուշացում» կարգավիճակին, բայց ապահովության ինդեքսով ավելի բարձր դիրքերում է, քան Ադրբեջանը և Վրաստանը: Այս մասին այսօր հրավիրված ասուլիսում ասաց Հյուրանոցների և հյուրընկալության կառավարման վկայագիր շնորհող ծրագրի ղեկավար Զարմինե Զեյթունցյանը:
Նա նաև նշեց, որ Հայաստանի իմիջը պետք է փոխվի. «Աշխարհին պետք է ներկայանանք նորովի։ Մեր մշակութային ժառանգությունն ամբողջովին կապիտալիզացված չէ, որպես առաջինը քրիստոնեություն ընդունած երկիր՝ մեր պատմամշակությանին ժառանգությունն այն հիմնական ակտիվն է, որը պետք է օգտագործենք զբոսաշրջիկներին գրավելու համար»:
«Կարևոր է պետական մակարդակով լուրջ քաղաքական կամք դրսևորել՝ հասկանալու, որ զբոսաշրջությունը մակերեսային գործունեություն չէ, շորտիկ-մայկայով և լուսանկարչական ապարատով մարդը չէ, այլ հսկայական ազդեցություն ունեցող ոլորտ է»,- ընդգծեց Զեյթունցյանը՝ կարևորելով ոլորտի ֆինանսավորումը:
Մանրամասները՝ տեսանյութում:
