12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
ՀանրաԴիտակ. 2800-ամյա Երևանի ամոթը. ինչպե՞ս և ե՞րբ կբարեփոխվի տրանսպորտային համակարգը
Տնտեսություն
26.01.2018 | 17:00
Երևան քաղաքի տրանսպորտային համակարգի բարեփոխման խոստումներ տրվել են գրեթե ամեն տարի, առավել հաճախ՝ ընտրություններից առաջ, դրանց մեծ մասը մոռացվել է, կամ իրականացվել չափազանց ուշացումով:
Հունվարի 18-ին քաղաքապետարանը ներկայացրեց տրանսպորտային համակարգի նոր նախագիծը, որի միայն խորհրդատվությունը քաղաքի հարկատուների վրա արժեցավ, ոչ պաշտոնական տվյալներով, 850 հազար դոլար:
Ըստ առաջարկված նախագծի՝ կտրուկ կրճատվելու են երթուղային գծերը՝ ներկայիս 115 -ի փոխարեն կգործի 42 երթուղի, ավելի քան կրկնակի կկրճատվի նաև փոխադրամիջոցների թիվը՝ 2039-ի փոխարեն՝ 939 տրանսպորտային միջոց։ Ընդ որում, թե ինչպես է լուծվելու այս կրճատման հետևանքով աշխատանքից զրկված ավելի քան 1100 վարորդի զբաղվածության հարցը, չի նշվում:
Ներկայացված նախագծով իհարկե խոստացվում է առավել հարմարավետ փոխադրամիջոցներ, վճարման միասնական համակարգ, սակայն նոր մարտահրավեր լինելու է. եթե գործող ցանցով ուղևորների 94 տոկոսը մի կետից մյուսը հասնելու համար տրանսպորտ չի փոխում, նոր ցանցի դեպքում երթևեկողների 38 տոկոսը տրանսպորտը կփոխի մեկ անգամ, տասը տոկոսը՝ երկու անգամ, 3 տոկոսը՝ երեք անգամ: Եվ միայն 49 տոկոսը տեղ կհասնի մեկ տրանսպորտով:
Այսքանով հանդերձ, թե ե՞րբ կկայանա խոստացվող արմատական, 100 մլն դոլարանոց բարեփոխումը՝ հստակ չէ, դատելով նախկին խոստումների իրականացման ընթացքից՝ ոչ շուտ:
Մանրամասները՝ տեսանյութում:
Հակոբ Կարապետյան
Գայանե Աբրահամյան
