15.12.2025 | 13:31
Հեյդար Ալիևի արձանին «Ստալին» գրած ընդդիմադիր ադրբեջանցի ակտիվիստը «ինքնասպան է եղել» բանտում
Պետք է ամեն ինչ անել, որ ՀՀ-ն չներառվի այցերի համար խորհուրդ չտրվող երկրների ցանկում․ Ապրեսյան. ՏԵՍԱՆՅՈՒԹ
Տնտեսություն
05.02.2021 | 12:37
Կորոնավիրուսի համավարակի և պատերազմի հետևանքով տնտեսության ամենատուժած ոլորտը զբոսաշրջության ոլորտն է: Անհրաժեշտ է ամեն ինչ անել, որպեսզի կարողանանք պահպանել և թույլ չտալ, որ փլուզվի զբոսաշրջության ոլորտը: Այս մասին այսօր հրավիրված ասուլիսում ասաց Տուրիզմի հայկական ֆեդերացիայի նախագահ Մեխակ Ապրեսյանը։
«Անհրաժեշտ է ամեն ինչ անել, որպեսզի զբոսաշրջության ոլորտը վերականգնվի, դրվի կայուն զարգացման հիմքերի վրա: Նաև զբոսաշրջությունից է կախված մեր տնտեսության զարգացումն ու հզորացումը: Նախ պետք է զբոսաշրջության ոլորտի վերականգնման և զարգացման համար ծրագիր մշակել, որոշակի ինստիտուցիոնալ բարեփոխումներ իրականացնել, ներդրումային միջավայրը բարելավել, դիվանագիտական խողովակներով և Սփյուռքի օգնությամբ տարածել տեղեկություն Հայաստանի ապահով ու հետաքրքիր լինելու մասին, ինչպես նաև անհրաժեշտ է կազմակերպել միջագային միջոցառումներ։ Պետք է ամեն ինչ անել, որ ՀՀ-ն չներառվի այցերի համար խորհուրդ չտրվող երկրների ցանկում, և որ աշխարհը տեսնի՝ Հայաստանը միշտ պատրաստ է ջերմորեն և բարձր մակարդակով ընդունել զբոսաշրջիկներին»,- նշեց Ապրեսյանը:
Նա նաև կարևորեց տուրիզմի մասնագետների վերապատրաստումը և վերապրոֆիլավորումը։
Մանրամասները՝ տեսանյութում:
