28.04.2026 | 11:40
Էնթոնի Ջոշուան ու Թայսոն Ֆյուրին մենամարտի պայմանագիր են կնքել
Վթար է գրանցվել Ուկրաինայի ամենահզոր ՋԷԿ-ում․ թնդյուն է լսվել․ ՏԵՍԱՆՅՈՒԹ
Քաղաքականություն
04.02.2021 | 16:34
Ուկրաինայի Զապորոժի մարզի Էներգոդար քաղաքում փետրվարի 3-ի երեկոյան, ջերմաէլեկտրակայանում (ՋԷԿ) վթար է գրանցվել, ինչ արդյունքում քաղաքն ամբողջությամբ հոսանքազրկվել է ու մնացել առանց ջրի։ Այս մասին հայտնում է EurAsia Daily-ն՝ հղում կատարելով Էներգոդարի քաղաքային խորհրդի պատգամավոր Անատոլի Անոխինին:
«Ողջ քաղաքը հոսանքազրկված է։ Ինչպես երևում է, լուրջ վթար է գրանցվել հենց ՋԷԿ-ում։ Թնդյունը, որ բոլորը լսել են, ՋԷԿ-ից գոլորշու վթարային արտանետումն էր։ Հնարավոր է նաև անգամ բլոկի աշխատանքների դադարեցում է գրանցվել։ Հեռախոսակապը ծանրաբեռնված է։ Ջուր չկա, պոմպակայանները չեն աշխատում»,- գրել է պատգամավորը Facebook սոցիալական ցանցի իր էջում։
Մինչ այդ, Ուկրաինայի Էներգետիկայի նախարարության պաշտոնական էջում տեղեկացվում է, որ ՋԷԿ-ում վթարային անջատում է գրանցվել կարճ միացման պատճառով։ Արդեն սկսվել են մեկնարկային գործողությունները էներգաբլոկները ցանցին միացնելու համար:
Զապորոժի ՋԷԿ-ը Ուկրաինայի ամենահզոր ջերմային էլեկտրակայանն է (3 650 ՄԳՎ)։
Մանրամասները՝ տեսանյութում:
Տաթև Ֆռանգյան
