30.06.2026 | 10:19
Ավինյանն ընդունել է ՀՀ-ում Միացյալ Թագավորության դեսպանին
ԼՂՀ ԱԳ նախկին նախարար Կարեն Միրզոյանը՝ Ռոբսոնի փոխարեն. «Ժամանակ»
25.01.2018 | 09:33
«Ժամանակ» թերթը գրում է.
«Վերջերս մամուլում չափազանց շատ շահարկվեց Ռուբեն Թաթուլյանի՝ Ռոբսոնի ՀՀ դիվանագիտական անձնագիր ունենալու հանգամանքը, որը նրան տրվել էր ՀՀ արտգործնախարարի արտահաստիքային խորհրդական լինելու պատճառով:
«Ժամանակի» տեղեկություններով՝ ՀՀ իշխանությունները որոշել են Ռոբսոնին զրկել այս կարգավիճակից, իսկ նրա փոխարեն ԱԳ նախարարի խորհրդական նշանակել ԼՂՀ նախկին արտգործնախարար Կարեն Միրզոյանին:
Դեռևս նախորդ տարվա սեպտեմբերին, երբ ձևավորվում էր ԼՂՀ նոր կառավարությունը, և բոլորի համար անսպասելի արտգործնախարարի պաշտոնում Միրզոյանի փոխարեն նշանակվեց Մասիս Մայիլյանը, մենք գրեցինք, որ իշխանությունները չեն պատրաստվում Միրզոյանին գործազուրկ թողնել: Եվ ահա, իշխանությունը որոշել է լրացնել ՀՀ ԱԳ նախարարի խորհրդականի հաստիքը՝ նշանակելով ԼՂՀ ԱԳ նախկին նախարարին»:
Առավել մանրամասն՝ թերթի այսօրվա համարում:
