08.10.2026 | 16:44
Ոչ մի կապ չունի ազգությունը. ՔՊ-ականը` զինված ադրբեջանցու հանցագործության մասին․ ՏԵՍԱՆՅՈՒԹ
Հանրությունը չի վստահում դատական համակարգին․ իշխանությունն իր համար ցանկալի դատավորներ չի ընտրում
Քաղաքականություն
03.02.2021 | 13:00
Այսօր՝ փետրվարի 3-ին, ԱԺ-ում հրավիրվել է արտահերթ նիստ: Այժմ քննարկվում է Դատական օրենսգրում և Արդարադատության ակադեմիայի մասին օրենքում փոփոխություններ կատարելու մասին օրինագծերը:
Արդարադատության նախարար Ռուստամ Բադասյանը նշեց, որ նախագծերի փաթեթով առաջարկվում է մինչդատական վարույթի նկատմամբ դատական վերահսկողության գործերով առանձին ենթամասնագիտացում ունեցող դատավորների ինստիտուտի ներդրում:
«Նախագծով նախատեսվում է, որ Երևանի ընդհանուր իրավասության դատարանում առանձին դատավորներ լինեն, ովքեր ունեն քրեական մասնագիտացում, քննելու են մինչդատական վարույթի նկատմամբ դատական վերահսկողության գործերը և ՀՀ տարածքում իրականացվող օպերատիվ-հետախուզական միջոցառումների թույլտվության միջնորդությունները: Օրինակ՝ խուզարկության սանցիաները, կալանքի հետ կապված սանկցիաները, ձերբակալման իրավաչափության գործերը և մի շարք այլ միջնորդություններ և բողոքներ, որոնք բնորոշ են մինչդատական վարույթի փուլին»,- ասաց Բադասյանը:
Արդարադատության նախարարը տեղեկացրեց՝ դատական համակարգում ավելանալու է առնվազն 17 հաստիք, որոնցից 8-ը` Երևան քաղաքում:
«Խոսք չի կարող լինեն գործադիրի կողմից ցանկալի դատավորներ ունենալու մասին, բայց խոսք կարող է լինել, օրինակ, նախկին իշխանությունների կոռուպցիոն շրջանակների հետ կապ ունեցող մարդկանց ազդեցությունը դատական համակարգում չունենալու մասին»,- հավելեց նախարարը:
Բադասյանը նկատեց, որ հանրությունը չի վստահում դատական համակարգին․
Մանրամասները՝ տեսանյութում:
