09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Անկախության գաղափարը չկարողացանք ճիշտ ուղղությամբ տանել. Ռուբեն Բաբայան
Քաղաքականություն
24.01.2018 | 16:41
Ղարաբաղյան շարժման ժամանակ ժողովուրդը շատ ինքնակազմակերպված էր, և Մոսկվան չէր կարողանում հասկանալ, թե ով էր կազմակերպիչը. հրավիրված ասուլիսին ասաց Հովհաննես Թումանյանի անվան Տիկնիկային թատրոնի տնօրեն, բեմադրիչ Ռուբեն Բաբայանը՝ խոսելով անկախության շարժման 30-ամյակից ու թե ինչ տվեց այն մեր ժողովրդին:
«Հիշում եմ Գորբաչովի զարմանքը, երբ նա երկրաշարժից հետո եկել էր Լենինական ու մի երեխա փլատակների միջից ձայն տվեց, հարցրեց՝ Ղարաբաղի հարցը ե՞րբ է լուծվելու, ո՞նց է լինելու»,- ասաց Բաբայանը՝ նշելով, որ Կրեմլում չէին պատկերացնում՝ շարժումը կազմակպերված չէր. «Շարժումը բխում էր մեր էությունից»:
Բանախոսը նկատեց, որ չկարողացան անկախության գաղափարը ճիշտ ուղղությամբ տանել. «Անկախությունը ոչ թե որպես սիմվոլիկ հասկացողություն, այլ կենցաղային, անձնական, իմ, իմ ընտանիքի, ազգի ու ժողովրդի հետ կապ ունեցող երևույթ, այ սրա ընկալումը մենք չտվեցինք»:
Մանրամասները՝ տեսանյութում:
