09.06.2026 | 21:24
Ադրբեջանը ծրագրում է Թուրքիայից KAAN կործանիչներ գնել
ԱՄՆ-ը դիտարկում է ընդդեմ Ռուսաստանի նոր պատժամիջոցների կիրառումը
Քաղաքականություն
01.02.2021 | 20:17
ԱՄՆ նորընտիր նախագահ Ջոզեֆ Բայդենը կդիտարկի ընդդեմ Ռուսաստանի նոր պատժամիջոցների կիրառումը։ Այս մասին փետրվարի 1-ին հայտարարել է ԱՄՆ պետքարտուղար Էնթոնի Բլինկենը՝ NBC հեռուստաալիքին տված հարցազրույցում։
Մեկնաբանելով ՌԴ ԱԳՆ հայտարարությունը, որով ՌԴ-ն պահանջում էր ԱՄՆ պետդեպարտամենտից ու Մոսկվայում ԱՄՆ դեսպանատնից դադարեցնել երկրի ներքին գործերին միջամտությունը, Բլինկենը հայտարարել է, որ Վաշինգտոնը կապ չունի ՌԴ-ում բողոքի ցույցերի հետ։
«Խնդիրը մեր մեջ չէ, այլ ՌԴ իշխանությունների։ Ես խորապես անհանգստացած եմ այդ երկրում բռնաճնշումներով ու ցուցարարների ձերբակալություններով։ Այժմ ԱՄՆ-ը դիտարկում է մեր անհանգստությունը հարուցած ՌԴ գործողություններին արձագանքելու տարբերակները»,- ասել է պետքարտուղարը։
Տաթև Ֆռանգյան
