19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Արտագաղթած գիտնականները, դասախոսները փողի համար չեն գնացել․ նեղացած են գնացել․ ԵՊՀ դեկան. ՏԵՍԱՆՅՈՒԹ
Հասարակություն
01.02.2021 | 15:19
«Այսօր մենք հետպատերազմյան իրավիճակումենք, և մեր ազգի առջև այնքան շատ ֆինանսական խնդիրներ են ծառացել, որ եթե ես էլ լինեի վարչապետ, այդ 25 մլն դոլարը անտարակույս կհատկացներ ոչ թե գիտությանը, այլ զոհվածների ընտանիքներին»,- այս մասին «Գիտությունը՝ անվտանգության և զարգացման հենասյուն» թեմայով խորհրդարանական լսումների ժամանակ ասաց ԵՊՀ Արևելագիտության ֆակուլտետի թյուրքագիտության ամբիոնի վարիչ Ալեքսանդր Սաֆարյանը, հակադարձելով նախորդ բանախոսներին, ովքեր առաջնային խնդիր համարեցին գիտության ֆինանսավորումն ավելացնելը:
«Այս պատերազմում մենք պարտվել ենք բոլորիս մեղքով, այդ թվում նաև՝ գիտնականների մեղքով»,- նշեց Սաֆարյանը:
Նրա խոսքով՝ մեր միակ փրկօղակը ոչ ստանդարտ լուծումներն են. «Պետք է հաշվի առնել նաև ստեղծագործողների ազատությունը: Ստեղծագործական ազատությունն ավելի կարևոր է, քան մի կտոր հացը: Մեր արտագաղթած գիտնականները, դասախոսները փողի համար չեն գնացել, նեղացած են գնացել»:
Մանրամասները՝ տեսանյութում:
