12.12.2024 | 20:51
Վանաձոր-Ստեփանավան ավտոճանապարհին վթարի հետևանքով հիվանդանոց է տեղափոխվել 8 տուժած
Համարենք՝ առաջին տիեզերագնացներից մեկը, որը կգնա Մարս, կլինի հայազգի․ Արամ Փախչանյանը կոչ արեց բարձր նպատակներ դնել. ՏԵՍԱՆՅՈՒԹ
Հասարակություն
01.02.2021 | 15:05
Մենք պետք է առաջնահերթորեն հավատանք ապագային, հավատանք մեր սեփական ռեսուրսներին ու հնարավորություններին: Պետք է ունենանք մեր երազանքը, տեսիլք ապագայի մասին, որը, վախենամ, այսօր չունենք: Այս մասին «Գիտությունը՝ անվտանգության և զարգացման հենասյուն» թեմայով խորհրդարանական լսումների ժամանակ ասաց «Այբ» կրթական հիմնադրամի հոգաբարձուների խորհրդի նախագահ Արամ Փախչանյանը:
«Պետք է լուրջ աշխատանք տանել, որպեսզի մեր տնտեսությունը, մեր մտածողությունը դառնա գիտելիքահեն: Բոլորս պետք է պատրաստ լիննք գնալ ռիսկի, որովհետև գիտությունը ռիսկ է և չպետք է վախենալ բացասական արդյունքից, գիտության մեջ բացասական արդյունքն էլ լավ արդյունք է: Գիտությունը պետության անվտանգության կարևորագույն մասն է»,- նշեց Փախչանյանը: -Եթե մենք դառնանք ոչ թե ստեղծագործական, այլ սպառող պետություն, կդառնանք քաղաքական խաղերի խաղալիք. մեզ կտնօրինեն, կբաժանեն իրենց շահերին հարմար»:
Փախչանյանը կոչ արեց երազել և բարձր նպատակներ դնել. «Գիտության ֆինասավորումը պետք է ավելացնել, բայց նաև պետք է լուրջ մտածել հանրության մտայնությունը փոխելու ուղղությամբ, որպեսզի մարդիկ սկսեն չվախենալ ռիսկերից, սիրեն բարձր նպատակներ դնել, օրինակ՝ համարենք, որ առաջին տիեզերագնացը, որ կգնա Մարս, կլինի հայազգի»:
Մանրամասները՝ տեսանյութում:
