12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Դատախազները «Սասնա ծռերի» անդամներին վիրավորել են. փաստաբանը բացարկ ներկայացրեց
Հասարակություն
24.01.2018 | 13:58
Շարունակվում է «Սասնա ծռեր»խմբի 10 անդամի գործով դատական նիստը: Ամբաստանյալ Գագիկ Եղիազարյանի պաշտպան Դավիթ Գյուրջյանը բացարկ ներկայացրեց դատախազներ Արամ Արամյանին և Պետրոս Պետրոսյանին: Փաստաբանը նշեց, որ դատախազներն անհարգալից վերաբերմունք են դրսևորել ամբաստանյալների նկատմամբ, նրանց տարբեր որակումներ տալով.«Նրանք մեր պաշտպանյալներին դիմել են «վիժվածք», «կենդանի» բառերով:
«Իմ պաշտպանյալ Գագիկ Եղիազարյանին ևս վիրավորել են»,- ասաց փաստաբանը։
Դատավորը հիշեցրեց, որ նման վարքագծի համար մեղադրողների նկատմամբ նախազգուշական սանկցիա է կիրառվել և հիմա նույն հարցն է բարձրացվում բացարկի ձևով: Փաստաբանը նշեց, որ դատախազները չեն կարողանում պահպանել հուզական հավասարակշռությունը. «Արտասահմանում մեղադրողներին ուղարկում են հատուկ վերապատրաստումների, որպեսզի նրանք պահպանեն հուզական հավասարակշռությունը»:
Նշենք, դատավորին ևս բացարկ էր ներկայացվել այսօր, որը անհիմն լինելու պատճառաբանությամբ մերժվեց:
Դատավորը խորհրդակցությունից վերադառնալով՝ այս միջնորդությունը ևս մերժեց:
Այժմ ընթանում է գրավոր ապացույցների ուսումնասիրությունը:
