18.04.2026 | 10:37
Արտարժույթների փոխարժեքները՝ ապրիլի 18-ի դրությամբ
Վերջին 30 տարում մենք քամել ենք գիտական ենթակառուցվածքը՝ հզորացնելու փոխարեն. ռոբոտաշինության ինժեներ. ՏԵՍԱՆՅՈՒԹ
Հասարակություն
01.02.2021 | 14:00
ԱԺ-ում հրավիրվել են խորհրդարանական լսումներ՝ «Գիտությունը որպես անվտանգության և զարգացման հենասյուն» թեմայով:
«2025 թվականին Հայաստանում գիտություն գրեթե չի մնալու: Սա դառնում է ակնհայտ, երբ ծանոթանում ես վիճակագրությանը»,- այս մասին ԱԺ ամբիոնից հայտարարեց «Ռոբոմարդ» ընկերության համահիմնադիր Տիգրան Շահվերդյանը և ընդգծեց, որ Հայաստանում գիտնականների մեծ մասը կենսաթոշակային տարիքի է:
Նրա խոսքով՝ Հայաստանում չկա կառավարման համակարգերով զբաղվող գոնե մեկ առաջադիմական գիտական խումբ, որի հետ ԱԹՍ-ներ նախագծողները կարող են աշխատել. «30 տարում մեր պետության գիտական քաղաքականությունը բերել է գիտության գրեթե վերացմանը: Այն, ինչ մնացել է, խորհրդային հզոր գիտության հետևանքն է: Բայց մենք քամել ենք գիտական ենթակառուցվածքը՝ հզորացնելու փոխարեն»:
Տիգրան Շահվերդյանը ընդգծեց, որ գիտության ծրագրերում ներդրումներ չեն արվում: Դիմելով խորհրդարանին՝ Շահվերդյանը նշեց. «Դուք ունեք պատմական հնարավորություն մեր վճարած հարկերի ճիշտ վերաբաշխմամբ վերածնելու հզոր գիտությունը Հայաստանում: Մենք այլևս ժամանակ չունենք: Գիտության առաջնահերթությունը պետք է կանոն դառնա և ֆիքսվի օրենքով»:
Մանրամասները՝ տեսանյութում:
